Rais Xi ahimiza kuendeleza kwa kina mageuzi ya vijiji na kuimarisha nguvu halisi ya kilimo

Katika maagizo ya rais Xi Jinping kuhusu kazi ya kilimo, vijiji na wakulima, ambayo yamesomwa na kujadiliwa kwenye mkutano wa mwaka wa kamati kuu ya kazi za vijijini uliofanyika Beijing kuanzia Jumanne hadi Jumatano, amehimiza kuendeleza kwa kina mageuzi ya vijiji na kutimiza kwa hatua madhubuti lengo la kuimarisha nguvu halisi ya kilimo.

Rais Xi, ambaye pia ni katibu mkuu wa Kamati Kuu ya Chama cha Kikomunisti cha China (CPC) na mwenyekiti wa Kamati Kuu ya Kijeshi ya China (CMC) amesema, ni lazima kukamilisha mfumo wa kazi mfululizo ziendazo sambamba za kuimarisha kilimo, kunufaisha wakulima, na kutajirisha maeneo ya vijijini, na kuhimiza ustawishaji wa vijijini katika mambo yote.

Rais Xi amesema, ni lazima kufanya juhudi za kuhakikisha hali tulivu ya uzalishaji na utoaji wa nafaka na mazao mengine makuu ya kilimo, kujenga njia zaidi za kuwawezesha wakulima kuongeza mapato, kuimarisha na kupanua siku hadi siku mafanikio ya kupunguza umaskini, na kuhakikisha hakuna tena na hali ya sehemu nyingi zilizoondokana na umaskani kutakiwa tena kupunguza umaskini.

Pia ametoa wito wa kufanya juhudi kubwa zaidi za kuhimiza utekelezaji wa mipango ya maendeleo vijijini na kubadilisha maeneo ya vijijini kuwa mahali pa kupendeza na penye mapatano kwa watu kuishi na kufanya kazi.

Amesisitiza kuwa kamati za Chama na serikali katika ngazi zote hazina budi kuyapa kipaumbele cha juu maendeleo ya kilimo na vijiji, kuharakisha ujenzi wa kilimo cha kisasa na mambo ya kisasa ya vijiji , kuimarisha zaidi msingi wa kilimo wa China, kuleta ustawi zaidi vijijini na kwa wakulima, na kusonga mbele kwa hatua madhubuti kuelekea lengo la kujenga nguvu nchi ya China yenye nguvu kubwa ya kilimo.

Maagizo hayo ya Rais Xi yamewasilishwa na kujadiliwa kwenye mkutano huo.

Mkutano huo pia umejadili mswada wa maoni ya Kamati Kuu ya CPC na Baraza la Serikali la China juu ya kuendeleza kwa kina mageuzi ya vijiji na kuhimiza kwa hatua madhubuti ustawishaji wa vijiji kwa pande zote

Mkutano huo umesisitiza kuwa, ni lazima kukusanya nguvu zote za kujipatia mafanikio mengi halisi, na kutoacha juhudi zozote katika kuongeza ufanisi wa kilimo, kuingiza ustawi mpya katika vijiji, na kuongeza mapato ya wakulima.